Prinsenzitting Mirlitophile
Aafgeloupe zaoterdèg waor 't dan indelijk zao wiet. De ièrstje activiteit in vol ornaat van 2011 ! Verzameld woort traditie getrouw bie Jos en Marianne in de brasserie en danao trokke veer gezamelijk nao de Polfermeule.
Nao ein ontvangst door Jubiluemprins Léon I, ziene minister Hans en de andere lede van de Mirlitophile woorte veer middels een buutemarsj de zaal ingehaold. Dao woort al gauw ein aantal stehtische bezat.
De Mirlitophile haeje dit jaor veur ein compleet programma gezörgd. Nuuj waor dat veer vief euro entree mooste betale mèh oes vrung van de Mirlitophile haeje dat geliek good besjteed. Het programma waor ein van de bèste van de aafgeloupe jaore en van 't waor ein aaneinsjakling van haogtepunte. Prezzident Joep moelde de aovend aan ein en zörgde er veur dat er neet te veul gebazeld woort.
Tiedens de zitting zörgde Ken en Bob dat auch de Valkebergse evergreens in ière gehouwe weure door 't bringe van de Nuuje Hood. Ein paar jaor geleeje haolde veer es Luèterklöpperkes de Nuuje hood van Lex Stassen onger 't sjtöp vandaan en noe heure veer 't nummer weer tiedens de Valkebergse vastelaovend. Ken en De aovond woort op vertreffelijke wies door Big Benny aafgesjlote.
Oes lede die er in de Polfermuele neet genoeg van haeje gekrege trokke nog riechting 't centrum veur nog ein paar uurkes gezelligheid.
p.s. de foto's zint onderweag en weuare zao sjnel meugeliek op de site geplaatst
| Volgende > |
|---|
