Sjlager 2011
Auch in 2011 höbbe veer besjlote um eine oud sjlager van Valkeberg nuuj leve in te blaoze.Dit jaor ies gekoze veur de sjlager van 1979: Mèh toch kom ich vandaag pas mörrge in bèd.
MEH TOCH KOM IECH VANDAAG PAS MÖRREGE IN BÈD
Refrein:
Mèh toch kom iech vandaag pas mörrege in bèd,
iech goaj miech d'r door, zègk geis-te mèt miech mèt.
Mèt zoaväöl gezelligheid hie aan 't buffet,
kump-ste noats vandaag, mèh pas mörrege in bèd.
Couplèt 1:
De vastelaovend vier veer honderd jaor,
allein veer bök veer sjpele zoaget klaor.
Wèr drie daag langk, tsjieng, houw veer op die kies,
mèt zangk en dans tot 't goonsdèg ies.
Couplèt 2:
De blaoskapel bleus ziech weer oet de naot,
in sjtraot en kaffees, soms auch oet de maot.
Wèr drie daag langk, tsjieng, houw veer op die kies,
mèt zangk en dans tot 't goonsdèg ies.
Couplèt 3:
En auch d'n Ingel bove de rewien,
verkleid es duvel mèt 'n auw gerdien.
Wèr drie daag langk, tsjieng, houw veer op die kies,
mèt zangk en dans tot 't goonsdèg ies.
| < Vorige | Volgende > |
|---|
Reacties
Bedankt voor de Sjlager. Nu kan ik misschien ook mee gaan zingen
RSS lijst met reacties op dit artikel