Vorst Pieter d'n 63e van de Keemeleers !
|
30 januari 2012
Noadat veer begin jannewarie al de minister van de Mirlitophile mochte levere, höbbe veer gistere eine nuuje hooglustigheid aan oes lièske kinne toevoege. Pieter van Marie-Louise, os reserve raod van elf lid en dus ozze twellefde man, ies gister oetgeroep tot Vorst Pieter d'n 63e van de Keemeleers oet Wijck.
Pieter is Vorst en geine Prins umdat er in Mestreech mer eine echte Prins ies en dat ies de prins van de Tempeleers. En umdat Peiter d'n 63 vorst ies, weurd er auch Pieter d'n 63e geneumd, neet umdat höm al 62 Pieters veurginge es Vorst van Wijck.
In de kommende drie weeke sjteit Pieter ein drök programma veur de boeg. Veer höbbe al begrepe dat zien programma zao sjtrak gepland ies dat ein bliksem bezeuk aan os jubileumzitting er waarsjienlijk neet in geit zitte. Meh veer zint nog aan 't onderhandele.
Luuj die Pieter will felicitere kinne dat doon op zaoterdèg 11 fibberwarie vanaf 18:33 bie Hotel de Lémpereur tegeneuver de stasie van Mestreech !
Vorst Pieter d'n 63 ! ALAAF !
Kiek ouch ins op www.keemeleers.nl
