Elyze Noordam: oes driede dansmarieke !
|
08 januari 2012
Terwiel sommige lede van oes zich nog eine aan 't drinke waore bie de femilie Eurlings in de garage, waort um 2:44 (4x11 inderdaad) de dochter geboore van Oud Prins Ary I en Joëlle. Elyze ies geboore in 't ziekehoes van de Winkbulle mèh veult zich noa al ein echt geitsje.
Veur de Luèterklöpperkes beteikent dit dat veer der ein driede dansmarieke bie höbbe nao Lisa Lebouille en Karlijn Scheyen. Der weurt al gezag dat Ruben Lebouille al ein eugske haet op Elyze en um al eine poen goof veur dat 't gebore waor bie mamma Joëlle op de boek. Samen mèt de get ouwere (en dus verstendigere) jeugd van Jean-Pierre begint de nuuj generatie al aardig te greuje. Der goon dan auch planne um ein Baby Carnavals vereiniging op te riechte naodat de "graote" Luèterklöpperkes der dit jaor mèt goon stoppe.
Joelle en Ary names alle kloppers: van harte gefeliciteerd mèt eur dochter !
