Oud Prins Dennis I weurd Minister van de Mirlitophile

Geschreven door Miesjel | 08 januari 2012

Gisteraovend maakte de Mirltiophile bekind wae in oes Jubileumjaor regeert euver Vallekeberg. Gistermörrge brach Joep Peters de geruchte op gangk door te sjtèlle dat der missjien de Prins waal oet de Luèterklöpperkes geledere zao komme. En wat bleek: 't waor ein lètste truc um 't groats bewaarde geheim van Valkeberg te laote doere tot 't lètste moment.

In 't jubileumjaor zal Jeroen Eurlings regere euver Vallekeberg es Prins Jeroen I. Geine onbekinde veur de Luèterklöpperkes en trou bezeuker van oes zittinge. Mèh eine prins heurt bie gesjtange te waere door 'nn minister en wie ein duvelke oet ein döäske sting er dao : Ozze eige Dennis America dae dit jaor minister ies bie de Mirlitophile.

Dennis zörgt er veur dat oes Jubileum extra cachet kriegt. Kommend jaor zölle veer nog mae optrikke mèt de Mirlitophile en zao kinne alle lede van de Luèterklöpperkes zich nog ein beter beeld vorme wie it ies um Prins of Minister te waere bie de Mirlitoiphile. Dat belouf nog gèt veur de kommende jaore !

Prins Jeroen I en minster Dennis PROFICIAT

Ivo van de jans @vallekeberg waor aanweizg en lach 't moment suprême vas op ziene Iphone

foto via TV Vallekeberg !