Mit dit geweldig jubilée in de kop, zitte veer ellef versjillende mutsje op.
|
03 januari 2012
Proclamatie Jubileumprinse CS de Luèterklöpperkes
Veer de 11 koppige Prinseraod van de 1 x 11 jäörig jubilerende Carnavalssocieteit De Luèterklöpperkes
Van ut Dommelbaorze durp tot ut Bokkeriek en van de Baagratte en de Loeszekskes tot de Veldkretzers
Verordenere en proclamere veer:
Ten 11e
Dat iech prins Fluitketel de 1e uuch beloaf neet aan de kook te rake es meugelik aansjturmend veurzitter van de Jonkheid Boete de Poort. En um dit te promoten zal iech in eedere kafe een beumpke op zitte
Ten 10e
Dat iech prins Promillage de 1e mien euverige prinsen zal verzurrige van drank zoadat bie hun auch ut promillage op piel blief. Tevens zal iech de ander prinse auch altied ophoale en thoesbringe, iech bin en blief natuurlik unne echte gardist
Ten 9e
Dat iech prins Schmuck de 1e
alle gegevraveerde medailles zal controlere op fouten, zoadat d’r noats mieh verkierde datums op medailles sjtoon.
Ten 8e
Dat iech prins Eigen Belang de 1e ut vorstelik prinse Petit dejeuner zal loate verzurrege door d’n Opperklopper in de raodszaal van ut gemeintehoes.
Ten 7e
Dat iech Prins ADHD de 1e altied veurop zal goon in de polonaise en mit zal doon mit eeder denske en mich zal ontferme euver de groate Luèterklopper umdat iech toch sjterk bin en te veul energie hub.
Ten 6e
Dat iech prins Meuge de 1e ut tegendeil goon bewieze en altied en euveral zal kome helpe mit opboewe en afbreke en ummer es ièrste d’r bin en es lètste nao heim goon.
Ten 5e
Dat iech prins Toekan de 1e appele en keersje goon oetgoaje, zodat geer thoes allemoal de echte Van der Valk appelmoos mit een keersj d’r op kint make veur de nuedige vitamines noa decarnavalsdaag.
Ten 4e
Dat iech prins Chippendale de 1e Gerda oet Antwerpen en alle lookalikes zal blieve plezeere mit mien goddelik, afgetraind lichaam. Dit hilt in dat iech alle vrouwe van bove de 60 mit de carnaval zal verwinne.
Ten 3e
Dat iech prins mister USA de 1e uuch zal bewieze dat iech unne echte bearetemmer bin. Iech zal saame mit alle vrouwe noa de Copa goan en zal doa veur unne euro mien truukske loate zeen. Welke dame heat unne euro veur mich euver?
Ten 2e
Dat iech prins Baco de 1e deze carnaval uuch weer ins loat zeen wie ste ech Baco moes drinke en zal tiedens de optocht op zondig de ganse Groate Stroat de wave loate doon. Veer zulle dit noe alvas 'nne kièr oefene.
Ten 1e
Dat iech prins Sjöt in de 1e euveral woa veer kome unne ballebak zal besjtelle en alle ouw sjlagerszal sjpele op miene kwetsjbuul. Auch beloaf iech uuch neet mieh lestig te weure, te sjraeve, en dingerkapot te make es iech zaat bin en Hanneke d’r neet bie is.
Veer vier oes jubileumjaor onder 't motto:
Mit dit geweldig jubilée in de kop, zitte veer ellef versjillende mutsje op.
gegaeve bie de Ambassade op de Mèrt, Grand Hotel Voncke, 29 Deember 2011
