1x11 jaor mèt 11 Jubileumprinsen
|
01 januari 2012
Aafgeloupe Donderdèg vong in Grand Hotel Voncken de prinsenproclamatie van CS de Luèterklöpperkes plaats. 111 carnavaliste verzamelde zich in de waek tössje Kaersjmes en Nuuj jaor um saame te hèure wae de Jubileum en tevens lètste prins van de jubilerende sociëtiet ging waere.
Naodat ein aantal artieste aakomstig oet gans Limburg de sjtumming al flink op gang gebrach haeje, waort ièrst aafsjeid genomme van Prins Dennis I en ziene Minister Marc. Daonao woorte alle mannelijke lede die in de aafgeloupe 10 jaor geine prins of minister zint gewaes op de buhne gevraogd. Dao woorte zie allemaal geblindookt en woorte ze in de waan gebrach dat er sjteeds mèh kandidate aafvele. Echter wie de blinddeuk aafgedoon woorte bleke alle kandidaten nog op de buhne te sjtoon. Wat waor namelijk het geval: der waore precies 11 lede die nog geine prinselieke titel houwe gehad en umdat in 't jubileumjaor nog eine lètste kièr good op de kiès gehouwe mot goon waere woorte alle kandidate oetgerope tot jubileumprins.
Dat beteikent dat in 2012 prins Frederic I, Marcel I, Kevin I, Kevin II, Martin I, Camiel II, Jean-Pierre I, Bart I, Ivo I, Sven I en ten sjlotte Michel de lètste veurop zölle goon es de jubileumprinsen van de Luèterklöpperkes.
De nuuj prinsen kraege de opdracht um zich tiedens de jubileumZITSUNG op zondèg 5 fibberwarie in vol ornaat te presentere aan 't publiek. Umdat 't ein jubileumjaor ie, zölle alle prinsen diet jaor in poefbrook en maillot er op oettrikke.
